TACLOBAN CITY – Patay an usa nga pulis ngan samaran naman an usa pa ha nahinabo nga ambush ha Maharlika Highway, Brgy. 1, Motiong, Samar kanina han alas 7:00 han aga, Marso 11.
Subay han report tikang ha Samar Police Provincial Office, ginkilala namatay nga pulis nga hi Police Officer 3 (PO3) Glenn Meniano; samaran naman hi Police Officer 1 (PO1) Jane Abejar.
Ha inisyal nga imbistigasyon, *g*inpa-uranan hin bala han M16 nga pusil an mga biktima.
Gin aaligar nga matapos an ambush, ginsunog pa an nasabi nga behikulo.
Sumala han mga otoridad, waray pa pangilal-an an mga suspek nga nagpapaluyo hini nga krimen tungod nga kumalagiw dayon an mga ini gamit an ira sarakyan.
Nagpapadayon naman an hot pursuit operation han mga otoridad.
Facebook Comments
