i Balita
February 03, 2019
(Photo from web)
DOH GINKUMPIRMAR ANG IKADUHA NGA KASO SANG NOVEL CORONAVIRUS SA PILIPINAS——CHINESE NGA NAPATAY SA nCoV IPA-CREMATE SANG CHINESE EMBASSY
Gin-anunsyar sang Department of Health (DOH) ang ikaduha nga kumpirmado nga kaso sang novel coronavirus ukon 2019 nCoV ARD sa pungsod.
Suno sa DOH, ang 44 anyos nga lalaki gikan sa Wuhan, China una na admit sa San Lazaro Hospital sa Manila sadtong January 25, 2020 kag napatay kahapon nga adlaw, Pebrero 1, 2020.
“Over the course of the patient’s admission he developed severe pneumonia. In his last few days, the patient was stable and showed signs of improvement. However, the condition of the patient deteriorated within the last 24 hours resulting in his demise,” ang pahayag ni DOH Secretary Francisco Duque III.
Suno sa iya, ginahikot na karun sang Chinese Embassy ang tikang agud macremate ang bangkay sang lalaki.
Nahibaluan, ini ang pinaka-una nga pasyente nga napatay bangod sa 2019 nCoV ARD sa gwa sang China suno sa World Health Organization sa Pilipinas.
Samtang padayon naman nga gina-obserbahan kag naka “isolate” ang isa ka Chinese nga babaye nga una na nagpositibo sa novel coronavirus.
