TACLOBAN CITY – Nagdumara hin Joint Intelligence Operations an 802nd Brigade, 8th Infantry Division (ID), Military Intelligence Group han Philippine Army ngan Criminal Investigation and Detection Group (CIDG) Region 8 kun diin ginpusil-patay an gin-aaligar terorista ha Brgy. Airport, Ormoc City, Leyte kanina han alas 8:00 han aga.
Basi ha report tikang ha 802nd Brigade, ginkilala an gin-aaligar myembro han Islamic State Of Iraq and Syria (ISIS) nga hi Joseph Anulga Jr. alyas “Dawud”, konektado ha Dawlah Islamiyah (DI) usa nga affiliated terrorist cell ha Ormoc City, Leyte.
Sumala han Philippine Army, nagdumara hin buy-bust operation an CIDG tungod han ginbubuhat hini nga gun running activities.
Hi alyas “Dawud” in nakipag-alyansa na ha Daesh, Caliph, Abu Bakr Al Baghdadi ngan naconvert na kumo Islam. Hiya in makadto na ha “HIJRAH” ngan maapi ha Local Terrorist Groups ha kampo hini ha Mindanao.
Nagreport gihapon an mga residente ha Ormoc ngadto ha mga otoridad nga nanrerecruit hi alyas “Dawud” ha nasabi nga syudad para magin Islam.
Hi alyas “Dawud” in usa nga Direct Associate ni the late Yusuf MACUTO.MACUTO nga suspek ha foiled plot para bombahon an US Embassy dida han Novemver 2016, usa gihapon hi Yusuf nga main suspect ha bombing ha Hilongos, Leyte dida han December 2016. Ngan namatay durante han gyera ha Marawi.
Sumala kan Brigadier General Lope C Dagoy, Brigade Commander han 802bde, nagpapamatuod la nga an insidente nga nahinabo in diri maundang an gobyerno pagprotektar ha mga tawo.
(Photo by 802nd Brigade)
