BREAKING NEWS | Kapitan Elvis Asis sang Brgy. Lawaan, kritikal matapos nga ginluthang!

Lawaan Roxas City- Kritikal samtang ginabulong sa Capiz Doctors Hospital si Lawaan Punong Barangay Elvis Asis matapos nga ini ang ginluthang sa Kilometer 2, Barangay Lawaan sining siyudad.

Base sa inisyal nga impormasyon, tatlo ka mga pilas sa lawas tuga sang pusil ang naangkon sang biktima matapos nga ini ang ginsunod kag ginluthang samtang nagasakay sa motorsiklo kaupod ang driver nga si Otel Casela.

Halin si Asis sa ginapatigayon nga pa-“Binggo sa Barangay” sa Patag, Lawaan.


Nag-uli ini sa ila panimalay agod nga magkuha kuntani sang cards nga gamit sa Binggo agud nga gamiton apang ini ang ginluthang sang mga suspetsado.

Tatlo ka mga baseyo sang ginapahayag iya sang .45 caliber pistol ang narekober sang mga kapulisan sa lugar sang insedente.
Sa subong ginahibalo pa sang mga kapulisan ang matuod nga motibo sang pagluthang sa nasambitan nga kapitan.

Facebook Comments