Suspek nga nagtadtad buno sa isa ka lalaki sa banwa sang Calinog nadakpan na ; suspek hinablos sang biktima

693

Calinog, Iloilo – Natigayun na nga matikma sang Calinog police station ang hinablos nga suspek nga nagpatay sa iya tiyo sa Brgy. Impalidan sa banwa sang Calinog Iloilo sang nagligad nga Abril 26 .

Ginkilala ang suspek kay Rene Celestial , 32 anyus sang Brgy. Poblacion Rizal Ilaud, Calinog .


Nahibalu-an nga napatay ang biktima nga si Jennel Tingson, 34 anyus sang Brgy. Impalidan, Calinog matapos gintadtad sang buno sang suspek kag naka-angkon sang 40 ka pilas sa lawas .

Nadakpan ang suspek matapos nga nagkooperar ang witness nga ginhulaman sang kutsilyu sang suspek samtang nagapanapas ini sang saging para sa preparasyun sa ila kapiestahan sa barangay.

Pagbalik sang suspek ginpa-andaman niya ang saksi nga indi magpanugid nga may ginpatay ini, apang ginkonsensiya ini kag gintuad sa mga pulis ang natabo.

Suno sa kay Police Insp. Jose Nemias Pamplona , ang hepe sang Calinog Police Station nga kaakig kag dumot ang nagtulod sa suspek nga patyun ang iya tiyo matapos nga nakaagi nga ginkastigo ini siya sa talamnan nga ginapanag-iyahan sang iya tiyo .



Sa pihak sini ginpahayag man ni Pamplona nga parolado ang suspek bangud sa kaso nga murder kag isa ka bulan pa lang ini nga naka-guwa sa presohan.


Facebook Comments