Bato, LEYTE – Arestado an duha nga drug personality ha ginbuhat nga buy-bust operation han Philippine Drug Enforcement Agency (PDEA) ha Brgy. Kalanggaman Bato, Leyte.
Basi ha report, ginkilala an mga suspek nga hi Aaron David Balane Y Igot , 23 anyos, usa nga SK Kagawad; ngan an iya bugto nga hi Angelo Balane Y Igot, 27 anyos, usa nga purupangisda ngan residente han Brgy. Iniguihan, Bato Leyte.
Nakumpiska tikang ha mga suspek an 2 ka sachet han gin-aaligar shabu nga may kabug-at nga .6 ka gramo ngan may estimate value nga P1,000.00
An SK Kagawad in papasakahan hin kaso ha pagtalapas han Section 5 Sale Of Dangerous Drugs ngan an iya bugto in papasakahan hin kaso ha pagtalapas han Section 26 Article II han R.A 9165.
An mga suspek in temporaryo na nga nakapaslak ha Bato MPS Lock Up Facility.
