SILAY CITY, NEGROS OCCIDENTAL – Patay ang isa ka lalaki matapos nga nakabunggo ang iya ginamaneho nga motorsiklo sa isa ka Canter sini lang nga aga sa Brgy. Bactic, ciudad sang Silay.
Nakilala ang biktima nga si Dwight Catalogo, legal ang edad, driver sang motor nga Kawasaki Ninja.
Samtang ang driver naman sang Mitsubishi Canter ang gina-maneho ni Roulin Carisma, 50 anyos ang edad, single kag pumuluyo sang Matagoy, Brgy. Rizal, Silay City.
Suno sa initial investigation sang Silay City Police Station, natabo ang aksidente mga las 8:15 sini gid lamang nga aga sa dalanon sang Hacienda San Ramon, Brgy. Bagtic.
Ginpahayag nga ang canter halin sa east padulong sa west nga direksyon kon diin ang motorsiklo ang naglapaw sa likuon nga dalan kag aksidente sini nga nabungguan ang Canter sa nawala nga bahin.
Bangud sang impact, ang biktima ang nagtabog halin sa iya ginadala nga motor kag nagtupa sa semento nga dalan.
Gindala pa ang driver ang motoro sa Teresita Jalandoni Memorial Provincial Hospital apang sang ulihi gin-declare dead on arrival.
Sa karon ang driver sang canter ang yara na sa custodiya sang Silay City Police Station./dyHB BACOLOD
