TACLOBAN CITY – Igindeklara na an State Of Calamity ha bungto han Sta. Fe, Leyte tungod han padayon nga paghitaas han kaso han dengue.
Sumala han Sta. Fe Municipal Health Office, tikang dida han May 15, 2019 tubtob July 8, 2019 umabot na ha 101 an kaso han dengue ha nasabi nga bungto.
Padayon naman nga nahitaas an kaso han dengue ha bug-os nga Eastern Visayas. Subay han datos han Department Of Health (DOH), umabot na ha 4,550 an kaso han dengue ha rehiyon tinikangan dida han Enero tubtob Hulyo 6 yana nga tuig.
Abiso han DOH, magin malimpyo ha kalibungan para malikayan an mga lamok nga nagdadara hin sakit nga dengue.
Facebook Comments
