Davao City – Padayong gina-monitor sa Barangay officials sa Brgy. 21-C ang kondisyon sa napulo ka Locally Stranded Individuals (LSIs) human niabot gikan sa laing lugar.
Kini sumala ni Brgy.21-C Kapitan Edmundo Altizo Sr. atol sa pakighinabi sa DXDC RMN DAVAO.
Segun ni Kapitan Altizo, ang napulo ka (LSIs) gipa-ilawom na sa quarantine sa ilang pinuy-anan ug ginamonitor na usab ang kondisyon sa ilang lawas.
Matud ni sa kapitan nga kung adunay bation sa ilang lawas, ipa-ilawom dayon sa swab test aron malikayan ang COVID-19.
Sa karon ang napulo ka (LSIs) wala pa may gibati sama sa kalintura, ubo ug uban pang balatian ug nagpabilin sa maayong kondisyon ang lawas.
“Naa gihapon ginapasulod namo kay tungod lagi sa LSI nga gikan sa Manila ug asa gikan nga lugar ang uban pasudlon gyod nato sa atong barangay kay mao manay balaud nga sundon. Kalooy sa Ginoo buyag man walay nag-positive sa COVID-19,” segun ni Kap Altizo.
RadyoMaN Don Pulayao
