Davao City – Gipang-apod-apod na ang dugang ayuda sa Barangay 23-C gikan sa buhatan ni Davao City 1st District Congressman Paolo “Pulong” Duterte.
Sumala ni Brgy.23-C Kagawad Mamerto “Mintoy” Cadungog atol sa interview sa DXDC RMN Davao, upat ka truck sa sinakong bugas ang gihatag sa Kongresista sa tanang pamilya nga apektado sa COVID-19 nga nagpuyo sa nasangpit nga Barangay.
Gipasabot ni Kagawad Cadungog nga wala pay ikaduhang hugna sa rasyon ang gitunol sa lokal nga panggamhanan sa syudad sa Barangay 23-C human gipailawom sa hard lockdown.
“Ang uban ni-aksyon og kasamok kay wala na daw silay bugas, wala ni-segunda og hatag ang City Mayor although naghatag pod si Pulong dugang tabang. Ang kang Mayor Inday Sara naghatag bugas ug mga de lata ug nag-segunda pod si Pulong nanghatag og bugas,” segun ni Cadungog.
RadyoMaN Don Pulayao
