Davao City – Adunay posibilidad nga ipailawom sa lockdown ang Barangay 23-C, Davao City human nga daghan ang nagpositibo sa Coronavirus Disease 2019 (COVID-19) sa lugar.
Matud ni Davao City Mayor Sara Duterte-Carpio, makonsidera ang maong barangay nga ‘very high-risk area’ subay sa gihimong risk assessment ug ang resulta sa reverse transcription-polymerase chain reaction (RT-PCR) testing diin daghan ang nagpositibo sa COVID-19.
“Sa pagkakaron, we can say na it is in the very high-risk na area based sa atong risk assessment, sa mapa nato and we advise everyone to avoid going to that area for whatever reasons,” tataw sa alkalde.
Gikumpirma sa alkalde nga ang maong barangay ang nagbaton sa pinaka-taas nga kaso dinhi sa syudad sa Davao rason nga nanawagan kini sa katawhan nga likayan una ang pag adto sa lugar aron di mataptan sa virus.
RadyoMaN Kirby Manzon
