Samal Resorts reopening gisibog

38

Davao City – Gisibog sa July 18, 2020 ang pag abri sa mga resorts sa Island Garden City of Samal (IGaCoS).

Sa interbyu sa DXDC RMN Davao kang IGaCoS Mayor Al David Uy, gibutyag niini nga inay nga July 1, 2020 ang pag-abri gisibog kini og pila ka semana gumikan usab sa pagtaas sa kaso sa Coronavirus Disease 2019 (COVID-19) sa lugar.


“Kadtong initial nga July 1, gihimo nato’ng July 18 kay under the MGCQ guidelines karon na bag-o with strict local action because medyo nagtaas ang kaso nato sa COVID-19,” butyag ni Uy.

Gisulti ni Uy nga usa usab sa mga rason sa nahisgutan mao ang pagkabutang sa probinsya sa Davao del Norte isip usa sa mga emerging hotspots sa COVID-19 subay sa Department of Health (DOH).

Matud sa opisyal nga walay angay ikabalaka ang ilang katawhan gumikan kay ‘isolated’ ang ilang mga active cases ug hugot ang ilang ginapatumang ‘health protocols’ batok sa COVID-19.

RadyoMaN Kirby Manzon

Facebook Comments