Davao City – Gikalipay sa mga benepisyaryo sa Social Amelioration Program (SAP) sa Brgy. 31-D human nadawat og cash assistance gikan sa lokal nga panggamhanan sa syudad sa Davao.
Sa esklusibong interbiyu sa DXDC RMN Davao, gisulti ni Brgy. 31-D Kapitan Joel Landero nga dol-an usa ka 100 ka mga pamilya ang gi-survey ug kapin 70 lamang ang na-aprobahan ug nipasar sa evaluation sa Department of Social Welfare Development (DSWD-XI) kansang nahatagan sa hinabang pinansyal.
Matud ni Kapitan Landero, dako og tabang sa mga pamilya kini human sa duha ka bulan nga walay kita tungod sa COVID-19 crisis.
“83 ka pamilya pero ang na-aprobahan ato 70 kapin ra naa gyoy dili pwede ug naka tabang-tabang gyod sa ilaha sa duha ka bulan nga wa gayo’y kita, dako gayod kaayo’g tabang sa ilaha,” saysay ni Landero.
RadyoMaN Don Pulayao
