Davao City – Padayong gitambalan sa Southern Philippines Medical Center (SPMC) ang upat ka indibidwal o usa ka pamilyahan human nga nagpositibo sa COVID-19.
Sumala ni Brgy.5-A Kapitan Edgar Ibuyan Sr. sa interview sa DXDC RMN Davao, ang upat ka indibidwal gipa-ilawom sa swab test dungan sa mga vendors niadtong adlaw’ng Domingo (July 25, 2020) ug nagpositibo kini sa maong balatian samtang unom ka panimalay nga silingan sa maong pamilyang kumpirmado sa COVID-19 ang gi-house lockdown diin gipailawom sa rapid test ang ilang mga silingan.
Matud ni Kapitan Ibuyan, sukad nagsugod ang COVID-19, 21 na ka mga tawo ang natakdan sa iyang Barangay apan daghan na ang naka-recover.
“Naay upat nga nag-positive sa COVID-19 niadtong Sunday human gi-swab test (sa barangay)…Human na man ta sa rapid test, mao ‘tong gi-swab test na pud sila ug ang upat tua na sa SPMC,” segun ni Ibuyan.
RadyoMaN Don Pulayao
