Davao City – Gibana-banaang kapin kun kulang P200,000 ang damyos sa nahitabo’ng sunog alas 11:55 kagabii sa may Prk-32 Sparrow St., Brgy. 76-A, Ecoland, ning syudad sa Davao.
Sa ekslusibong pakighinabi kang Fire Officer 3 Niño Gin Glorio, matud pa nga electrical-related ang tinubdan sa maong sunog nga nagsugod sa panimalay nga ginaparentahan ni Gemma Mercado nga anaa sa Sta. Cruz, Davao del Sur samtang miulbo ang maong sunog.
Sumala pa upat ka mga panimalay ang gideklara nga totally damaged ug usa ka balay ang partially damaged diin sagad nasunogan mga nagrenta lamang.
Nakontrola ang maong sunog alas 12:26 sa kadlawon ug gideklara nga fire out alas 12:57 na sa kadlawon.
RadyoMaN Jason Amisola
Facebook Comments
