Davao City – Walo ka mga residential fires nga natala sa Davao City gikan Enero hangtod Oktubre nahitabo sa Barangay 76-A Bucana ning syudad.
Gibutyag ni Bureau of Fire Protection XI Spokesperson SFO3 Ramil Gillado nga base sa ilahang imbestigasyon sagad sa mga hinungdan sa sunog maong lugar ang electrical short circuit, open flames nga nunot sa LPG ug gas leak ug mga nabiyaang mga niluto.
Sumala ni Gillado nga nagkataas ang ihap sa residential fires diin anaay 166 ka mga insidente na karong tuiga gikan Enero kutob Oktubre kung itandi niadtong 2017 nga anaay 129 ka kaso sa sunog.
Matud ni Gillado nga nisaka og 38% ang ihap sa mga sunog karong tuiga diin niadtong 2017 gikan Enero hangtod Oktubre adunay 269 ka sunog samtang 375 ka mga sunog ang natala karong 2018 sa maong period gihapon.
Sa nilabayng tuig niabot sa kapin P600M milyon ang damyos sa mga sunog diin adunay mga nangasunog nga mga pabrika o dagkong mga gambalay ug gipagulang datos sa BFP karong Oktubre mukabat sa sobra P1M na ang damyos sa mga nahitabong fire incidents.
RadyoMaN Aimee Guinita
