Sunog ha Tacloban City, P4.5-M an danyos

TACLOBAN CITY – Nasunog an upat nga balay pati na an Leyte Dance Theater Headquarters ha may Juan Luna St. Tacloban City kakulop han alas 3:00 han kaagahon.

Ha interview han RMN kan FO3. Alvin Anthony Duran, Investigator han Tacloban City Fire Station, an upat nga balay in mga boarding houses sanglit mga estudyante an apektado han sunog.

“Ini nga 4 nga establishment nga totally burned mga boarding house so an kaurugan nga affected an mga boarders.”


Basi ha inisyal nga imbistigasyon han Bureau Of Fire Protection (BFP), electrical by nature an hinungdan han sunog.

Aksidente man gud an nahinabo sanglit waray hira lalanaton ha tag-iya han boarding house pero pwede hira mangaro hin assistance tikang ha Tacloban City Government.

Dugang ha pamahayag ni Duran, P4.5-million an danyos han sunog.

Haros waray may naisalbar nga gamit an mga estudyante, nagkalisang pag-ikagarawas, kaagahon man gud naglarab an kalayo.

Pahimatngon han BFP, siguraduhon nga diri nakasaksak an mga gadgets o electrical devices kun nanngangaturog na an mga tag-iya hini.

Igcheck an mga pinansaksak kun overheat o may problema an outlet nga ginsaksakan han devices.

(Photo by Arjan Antig)

Facebook Comments