Brgy. Carmen sa Cagayan de Oro City, nag-una pa gihapon sa daghang aktibong kaso sa Covid-19!

19

Nag-una pa gihapon ang Brgy. Carmen sa adunay daghang aktibong kaso sa COVID-19 sa dakbayan sa Cagayan de Oro.

Gibutyag ni Dr. Ted Yu Jr., Medical Officer sa City Health Office nga gisundan kini sa Brgy. Lumbia, Bulua, Macasanding, Bugo, Patag ug Brgy. Gusa.

Nasayran nga sa kinatibuk-ang 141 ka aktibong kaso sa COVID-19 sa dakbayan, 27 niini ang admitted ug 144 ang anaa sa Temporary Treatment kon TTMF.


Samtang, moabot na usab sa 433 ka empleyado sa Cagayan de Oro- Local Government Unit ang natakboyan sa COVID-19 sukad sa pagsugod sa pandemya niadtong Marso sa nakalabay’ng tuig.

Gikabutyag nga 3 niini ang aktibo, 426 ang nakarekober na ug 4 ang natalang patay. Apan walay pay labot niini ang mga empleyado sa JR Borja General Hospital nga nagpositibo usab sa maong makamatay nga virus.

Facebook Comments