Sa interview sa DXDC RMN Davao kang Brgy.Centro South San Juan kagawad Ronald Agua,gisulti niya, duna nay mga Brgy.Police nga naka-assign nga mobantay sa kabaybayonan sa ilang barangay.
Segun ni Agua,ang Brgy.Council sa ilang barangay magpatabang usab sa mga personahe gikan sa Coast Guard Davao ug Central 911 aron motabangan sa pagbantay ilabi na sa adlaw’ng Sabado og Domingo mao pagdagsa sa mga beach goers nga mangaligo.
Subling nagpahimangno si kagawad Agua ngadto sa mga ginikanan nga ilang i-monitor og bantayan ang ilang mga anak tungod daghan ang mga nangaligo sa ilang barangay nga wala nananghid sa ilang mga ginikanan.
“Gikan sa Brgy.Council ang mensahe nalang nako kung moadto man ta sa dili atong lugar mananghid gyud ta sa atong ginikanan para makabalo ang atong parents kun asa ta padulong kasagaran sa mga nangaligo wala kabalo ang ginikanan”,sulti ni Agua.
Kahinumdoman usa ka grade 8 student ang nalumos patay nailang nga si alias “Bert” 13 anyos human nadala sa kusog nga balud niadtong adlaw’ng Domingo alas 4:00 sa hapon Siyeptembre 18,2023 sa nasampit nga barangay.
RadyoMaN Don Pulayao
