Gindeklarar ang Barangay Dajay sang Surallah nga 2019 Outstanding Performing Barangay sa South Cotabato kag hall of famer na sa Dangal ng Barangay Awards-Seal of Good Housekeeping South Cotabato Version sa ginpatigayon nga Provincial Liga day.
Nakabaton naman sang P400k nga premyo ang Brgy. Dajay nga magapadulong sa proyekto.
Second place naman ang Poblacion sang Tupi nga nakabaton sang P350k, 3rd – Brgy. Dumadalig sang Tantangan nakabaton sang P300k, 4th – Lopez Jaena sang Norala nakabaton sang P250k, 5th – Poblacion,Tampakan nakabaton sang P200k kag 6th place naman ang Brgy. GPS sang Koronadal nga nakabaton sang P100k.
Samtang ang mga barangay naman nga nakasulod sa top 33 performing barangays ang makabaton sang P65k financial assistance.
Ginbasehan naman sa pag-evaluate sa performance sang mga barangay ang organization and management sini, local legislation, development planning, service delivery kag financial administration.
May-angot sini, ginkalipay naman ni Brgy. Dajay Kapitan Christopher Lazo nga nangin hall of famer na sila sa Dangal ng Barangay Awards kag tungod suno pa ini sa ginhimo kag pagpaningkamot nila sa council.
Gamiton naman nila suno pa ang premyo nga P400k sa completion sang ila farmers training center nga gin-umpisahan man nila paagi sa mga nakuha sadto nga premyo sa Dangal ng Barangay Awards.
Samtang nakuha naman sang Brgy. Poblacion sang Tupi ang kadalag-an sa Lupong Tagapamayapa Incentives and Awards, 2nd place Brgy. Poblacion, Tampakan, 3rd place Lopez Jaena sang Norala kag 4th place Brgy. GPS sang Koronadal City nga ginpatigayon man ang awarding nga Provincial Liga day.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
