General Santos City— Dakpan ang usa ka Brgy. Kagawad ug laing usa human sa makuhaan ug duha ka sachet sa gituuhang shabu nga gibana-banaang mukabat sa lima ka gramo.
Giila ni Police Senior Inspector Fernando Manuel Jr, hepe sa Police Station 7 ang mga suspek nga silang Brgy, Salam Kagawad Ismael Dimaguil, 32 anyos ug Norodin Sabel, 28 anyos nga samang residente sa Brgy. Salam, Paglat, Maguindanao.
Sumala niya nga naaktuhang nanigarilyo ang mga suspek rason nga gikapkapan kung asa narekober ang mga gituuhang shabu.
Dugang pamahayag ni PSI Manuel nga padayon ang ilahang ginahimo nga imbestigasyon kung si kinsa ang ka-transaksyon sa duruha sa illegal nga druga nmga gihatud dinhi sa dakbayan partikular na sa may Prk. Suiza, Brgy. Fatima..
Sumala niya nga usa kini sa pamatuod nga sagad sa illegal nga druga nga ginabaligayaan sa dakbayan ang gikan sa probinsya sa Maguindanao.
Wala matud pa nila gilauman nga sa simpleng operasyon batok pagpanigarilyo, marekober nila ang mga gituuhang shabu sa duha ka mga suspek.
Kalabot niini, gibutyag ni PSI Manuel nga kung basihan ang illegal nga druga nga narekober sa ilahang posisyon, makonsiderang dinagko ang ilahang transaksyon.
Basi sa pamahayag sa mga nahisgutan, dili kini ang uwaheng transaksyon unta nga ilahang himuon kung nagmalampuson ang maong negosasyon. Sa kasamtangan, balhog na sa lock up cell sa Police Station 7 ang duruha ka mga suspek kung asa nakatakda silang mag-atubang ug kasong paglapas sa city ordinace number 6 ug kasong illegak possession of illegal drugs kon Sec. 11 sa R.A 9165.
