Davao City – Midangop sa Sta. Ana Police Station ang usa ka Barangay kagawad nga si Joel Crisanto sa Brgy. Leon Garcia, Agdao, syudad ug gireklamo ang iyang silingan nga si alias Je-Boy Laurente, hingkod ang edad, residente sa nahisgutang barangay.
Matud pa, niduol ang suspek ug nakig-istorya kaniya kabahin sa birthday celebration sa iyang asawa ug mihangyo nga mangimbita og mga bisita, apan gitambagan sa kagawad nga dili pwede tungod kay gidili ang pagtapok-tapok aron malikayan ang pagkuyanap sa COVID-19 karong panahona subay sa guidelines nga gipagawas sa gobyerno.
Wa damha nasuko si Laurente diin gibalikas ang kagawad pinaagi sa mga masakit nga pulong.
Way nahimo si Kagawad Crisanto gawas na lamang sa pagdangop sa Presinto Uno aron i-reklamo ang pagpakaulaw kaniya ni Laurente.
RadyoMaN Don Pulayao
