Brgy. Kagawad ginpamumusil patay ha Jiabong, Samar

Patay an usa nga Brgy. Kagawad matapos pagpamumusilon han diri pa nakikilala nga susek ha Maharlika highway Brgy. Alejandrea Jiabong Samar kanina han aga.
Nakilala an biktima nga hi Raulito Romana, 47 anyos, usa nga Brgy. Councilor ha Brgy. Alejandrea Jiabong Samar.
Basi ha inisyal nga report han Jiabong PNP, nga an biktima in sakay hiton iya single nga motor ngan samtang hiya in tipakadto ha lugar han insidente, hiya in gin pamumusil hin pira ka beses ha pipira nga parte han iya lawas nga nag resulta hiton iya pagkamatay.
Ha pagkayana in gin iimbistigahan pa han mga kapulisan an motibo han insidente agud makilal-an ngan madakop an nagpapaluyo han mao nga insidente.

Facebook Comments