Davao City-Number three ang Davao Region sa tibuok Pilipinas nga pinaka-paspas mag proseso sa mga kaso kun disposition of cases sa tuig 2016.
Kini ang gibutyag ni Davao Regional Prosecutor’s Office prosecutor Karl Andre Salcedo sa nahitabong AFP-PNP Press Conference.
Alang sa tuig 2016, Ang pinaka-paspas nga rehiyon sa pag-asikaso og kaso sa tibuok Pilipinas mao ang Region 1, ug anaa sa ika-duha nga pwesto ang Region 7. Samtang, nag rank 2 ang Davao Region niadtong tuig 2015.
Sumala ni Salcedo, dugay na nga maayo ang status sa Davao Region sa pag asikaso og mga kaso nga ginapasaka sa Prosecutor’s Office ug tungod kini sa maayong pagdumala sa ilang mga lider.
Matud ni Salcedo, mandato sa balaod ang tanang Prosecutor’s Office sa Pilipinas nga kinahanglang 60 diyas duna na’y desisyon sa mga kaso nga ginapasaka.
Sa kasamtangan, dunay 6,292 ka mga criminal cases ang nadawat sa ilang buhatan sukad bulan sa Enero hangtud Hunyo karong tuiga diin 60% niini nag gikan sa syudad sa Dabaw.
Kasamang Merle Comidoy
