South Cotabato—angol ang usa ka barangay kagawad sa Barangay Palavilla, Lutayan, Sultan Kudarat human kining gipusil sa duha ka mga suspetsado nga nakamotorsiklo sa may Morales Avenue, Barangay GPS, Koronadal City, alas-5:30 sa hapon, kagahapong adlawa.
Giila ang biktima nga si Barangay Kagawad Ronald Lanoso, residente sa Purok Centro 2, Barangay Palavilla, Lutayan.
Sa inisyal nga imbistigasyon sa Koronadal City PNP, nasuta nga gimanihuan sa biktima ang iyang tricycle, pag-abot sa lugar kalit kining gipusil sa mga suspek.
Paspas nga misibat ang mga mamumuno, samtang ang biktima, gilayong gidala sa balay tambalanan sa Koronadal City.
Sa karon ginasuta pa sa kapulisan kung duna bay nakalaban ang biktima o dunay bahad sa kinabuhi ayha kini napusilan.
