Anaa sa ika-15 sa drug watchlist sa Philippine Drug Enforcement Agency kon PDEA Region 10 ang barangay kagawad nga nadakpan atol sa gihimong pagsilbi sa Search Warrant kagahapon sa buntag.
Una nang nasikop si Barangay 9 Kawagad Mandangan Manny Ali, 51 anyos ug lumulupyo sa Purok 2, Barangay 9 ning siyudad sa Malaybalay human nga gisilbi ang usa ka Search Warrant sa PDEA Region 10 nga gipangunahan ni Regional Director Wilkins Villanueva, alas 4:17 sa kadlawon kagahapon.
Nasayran nga apil sa mga nakumpiska ang 17 ka kabuok nga heat-sealed transparent plastic sachet sa gituhuang shabu nga adunay market value nga P204,000.00.
Apil usab sa nakuha sa pinuy-anan ninii ang 1 ka 45 nga kalibre sa pistol, 1 ka M4 rifle ug daghang mga bala.
Sa interview sa RMN Malaybalay ngadto kang PSI Jiselle Longakit ang tigpamaba sa PNP Provincial Command gibutyag ninii nga si Kagawad Ali anaa sa PDEA Top 15 regional Target Listed Drug Personality.
Matud ni Longakit nga ang dinakpan anaa karon sa PDEA region 10 alang sa tukgmang disposasyon.
Sigun ninii nga magsilbi kining eye opener sa uban pa nga padayon nga nalambigit sa illegal nga droga adunay panahon nga madakpan sa gyod kini.
Samtang sa interview sa RMN ngadto kang Kapitan Rodrigo Timones, sa Brgy.9 ning siyudad gibutyag niini nga wala matud pa sa watchlist sa iyang barangay ang iyang kagawad nga nadakpan.
Natingala na lang daw siya nga gisilbihan na kini search warrant sa PDEA.
