General Santos City–Gikabutyag karon ni Barangay Lagao Kagawad Jaime Tatad nga sa kasamtangan nagpaabot pa sila nga ipatawag sa Sanguniang Panglungsod aron nga hisgutan ang ilahang gipasa nga resolusyon nga naga hangyo sa SP nga ipasira ang explore bar.
Sumala pa ni Tatad nga sa karon wala pay update ang mga konsehal ngadto kanila apan malaumon sila nga hatagan kini ug pagtagad sa mga konsehal sa syudad tungod kay gikinahanglan matud pa kining mapasarad-an gumikan na usab sa mga gubot nga natigayon sa lugar.
Samtang gipaklaro usab niini nga ang ilahang resulosyon ang gi-address nila ngadto sa SP ug dili kay Mayor Ronnel Rivera aron nga i-agi sa saktong proseso aron matuki ug mahisgutan gayud sa mga mambabalaud sa syudad, apan ug dili matud pa kini ma-aksyonan mapugos sila nga i-diretso ngadto sa opisina ni Mayor Rivera ang ilang resolusyon.
Kung kahinumduman nga nagpasa ug resolusyon ang Brgy. Lagao Council aron nga ipasira ang exlore tungod sa mga nahitabong kagubot sa maong area nga aduna nay misresulta sa kamatayon. (Dave Silagan)
