Davao de Oro – Gipailawom sa Localized Enhanced Community Quarantine ni Nabunturan, Mayor Chelita Amatong ang Barangay Mainit, Nabunturan sugod Agosto 2, 2020 human adunay nagpositibo sa COVID-19 aron paghatag og panahon sa containment ug contact tracing bisan walay travel history gikan sa mga lugar nga dunay local transmission.
Sumala ni Amatong, kinahanglan ang mga residente makig-alayon sa mga sakop sa Bantay Panglawas alang sa contact tracing, pag-obserba sa health minimum standard, pagpresentar og quarantine pass sa higayon sila mogawas aron mopalit sa pagkaon, tambal.
Gani ipatuman usab ang curfew sugod alas 6:00 sa gabii ug gidili ang paggawas sa mga nag-edad og 21 anyos paubos ug 60 anyos pataas.
Naghangyo si Mayor Amatong sa mga residente nga suportahan ang lakang batok COVID-19 aron malayo gikan sa makamatay nga balitian.
Subay sa datos sa Department of Health o DOH XI, anaa na sa 103 ka mga kaso sa COVID-19 ang natala sa Probinsya sa Davao de Oro.
RadyoMaN Jules Catisay
