Brgy. Mintal: Pondo vs linog gipangandaman

Davao City – Magtagana og mas dakong pondo ang barangay Mintal alang sa preparasyon sa pag-igo sa dili matagna nga linog human nga nagbaton og ‘fault line’ ang ilang lugar.

Sa interbyu sa DXDC RMN Davao kang Kapitan Rey Amador Bargamento sa Barangay Mintal, gibutyag niini nga sa sunod tuig, dakong pundo ang ilang itagana sa pagpalit og mga gamit nga kinahanglanon panahon sa pagtay-og diin sa pagkakaron sagad nilang gipondohan mao ang preparasyon sa mga pagbaha.

“For next year, dako nga part sa among budget ang itagana sa mga gamit para ma-prepare ang among barangay risk reduction kay kadaghanan sa among mga investment sa kining mang flashflood. For next year mura’g mas dako-dako ang ma-direct sa kaning preparation para sa linog,” saysay ni Bargamento.


Dugang pa ni Bargamento nga gawas niini, tutukan usab nila ang campaign awareness sa mga residente ug regular nga pagpahinumdom sa katawhan sa angay buhaton panahon sa linog.

Kahinumduman nga niadtong June 24, 2019 gisubay sa Department of Science and Technology-Philippine Institute of Volcanology and Seismology (DOST-PHIVOLCS) ang mga fault line sa Brgy. Mintal ingon man ang Bago Oshiro ning syudad sa Davao.

RadyoMaN Kirby Manzon

Facebook Comments