General Santos City—Plano karon sa lokal nga panggamhanan sa General Santos nga mupalit og luna sa Barangay Tambler alang sa pagahimuong relocation site sa mga informal settler sa dakbayan.
Sa gihimong committee consultation sa pagpanguna nilang City Councilor Atty. Edmar Yumang nga maoy Committee Chairperson sa laws and Ordinances sa Sangguniang Panlungsod, present usab silang kagawad Dominador Lagare, Kagawad Odjock Acharon, Elezabeth Bagonoc, og Lourdes Casabuena kung asa gituki ang resulosyon nga nag otorisa ngadto kang Gensan City Mayor Ronnel Rivera nga moperma sa Absolute deed of sell sa mukabat sa 100,000 square meters nga luna nga panag-iya nilang Abdulbacky Ngilay og Norn Espadila, nga nahimutang tanan sa Barangay Tambler.
Apan gi deferred una ni Kagawad Yumang ang maong resolusyon tungod sa gusto unang makit-an sa mga konsehal ang mga orihinal nga kopya sa titulo sa maong luna aron masigurong dili kini apil sa mga kwestiyonabling luna sa naasoyng Barangay. (Emir Bariquit)
