Sa pakighinabi sa DXDC RMN Davao kang Police Corporal Tyrone Ching, Desk Officer sa Sta. Cruz Municipal Police Station (MPS) iyang giila ang biktima nga si Ernesto Galao Sr., 52 anyos, Barangay Tanod, samtang ang suspect mao ang pag-umangkon niini nga si Julito Sardido Galao.
Sa imbestigasyon, giingong nakainom ang suspect sa dihang miagi kini sa balay sa iyang uyoan ug gisipa niini ang ilang iro, hinungdan nga nagkalalis ang duha. Mikuha og sundang ang suspect ug gitigbas ang biktima sa pila ka higayon hinungdan sa iyang hinanaling kamatayon.
Matud sa asawa sa biktima nga si Rubelyn Galao, 43 anyos, aduna nay kanhi bangi ang duha ilabi na nga kanunay nga ginabadlong sa uyoan ang iyang pag-umangkon.
“Mura’g naa syay kalagot sa iyang uyoan (nga Barangay Tanod). Kay every time naay ginabuhat nga dili mao ang iyang pag-umangkon, ginabadlong niya. Mao to siguro ang iyang pag-umangkon, giipon lang siguro niya iyang kasuko sa iyang uyoan,” saysay sa police personnel.
RadyoMaN Kirby Manzon
