Sugdan na sa Commission on Election kon (Comelec) ang briefinf alang sa mga kandidato sa umaabot nga Barangay ug Sangguniang Kabataan (SK) elections.
Sa interview sa RMN ngadto kang Atty. Stalin Baguio, ang Provincial Election Supervisor gibutyag niini nga human ang filing sa certificate of candidacy kon COC, sunod nga nga ilang hatagan sa pagtagad ang pagpahigayon ug candidates briefing aron mahisgutan ang mga angayan ug dili angayang himoon sa election period, ug mga obligasyon isip mga kandidato.
Matud ni Baguio nga possibleng sugdan nila kini karong adlawa, Abril 24 hangtod sa May 3.
Samtang gikumpirma usab ni Baguio nga adunay pagtaas sa mga kandidato nga mga babaye alayon sa ilang gihingusgan nga gender equality.
Nasayran nga sa Malaybalay lang mukabat sa 500 ka mga babaye nga nagduso sa ilang COC nga magpapili sa nagkadaiyang posisyon sa BSKE.
Gipahayag usab sa Comelec nga nakompleto na nila ang pagkuha sa mga magsilbing board of election inspector kaniadto pang bulan sa Pebrero.
Aduna matud pa silay himoon nga final briefing sugod sa Abril 30 hangtod Mayo 9 sa tibook probinsya.
