Davao City – Gi-awhag karon sa Department of Education (DepEd) ang tanang mga education stakeholders nga mupartisipar sa Brigada Eskwela 2019.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, nanawagan kini sa tanan labi na sa mga ginikanan sa pagpartisipar sa Brigada Eskwela karong Mayo 20-25, 2019.
“We again would like to request all to contribute your skills, your talents, your time para sa pag-abri sa mga eskwelahan nato,” segun ni Atillo.
Dugang pa Atillo nga maayong hulagway alang sa kabataan ang pagpanon sa ilang silingan aron sa pagpanghinlo sa mga tulunghaan alang sa pagsugod sa klase.
Nagtuo ang tigpamaba sa DepEd-XI nga sauna pa napamatud-an na ang maayong epekto sa panaghiusa sa tanan sa pag-andam sa tulunghaan alang sa mga kabataan.
RadyoMaN Kirby Manzon
