Roxas City, Capiz- Patay ang isa ka tomboy ukon lesbian matapos nagbitay sa sulod sang poluy-an sa Mckinley Street Brgy I sining syudad.
Ginkakibot na gid lamang sang mga boarders sang nasambitan nga poluy-an sang madiskubrehan ang nagabitay nga lawas sang nasambitan nga biktima kun sa diin gamit sini nga paghigot ang isa ka nylon cord.
Ginapatihan nga ginbatyag gid sang biktima ang pagbulag sa iya sang karelasyon sini. May yara man snag nakit-an nga sulat ang mga otoridad kun sa diin nabutang nga “wala ini sang pulos”.
Ginpahayag sang abyan nga si MJ Harion, “loner” ukon masami nga naga-isahanon ang biktima kag tuman ka mahipuson nga klase sang tawo. Nahibaluan nga pila ka oras antes ini magkomiter sang suicide, naka-update pa sang status ang biktima sa iya Facebook account sa diin nakabutang ang mga tinaga nga “User Died”.
