Tungod sa hinungaw sa bagyong Paolo daya sa makusog na mga paghangin gikan pa kahapon na adlaw , nangabugto sanan nadaut an mga linya sa kuryente lakip transformer na ija sa NGCP sanan SURNECO , rason na napayung an kuryente sa tibuok syudad nan Surigao lakip na sa mga kamunisipyuhan gikan kagabii hangtud kuman buntag. Tagbutyag ni Engr.Narciso Calliao an General Manager nan SURNECO na daghan an linya sa koryente an naapektuhan sa makusog na hangin sanan uyan kagabii. Sumaya pa na daghan isab mga kahoy natumba lakip na mga sanga nan ini na miigo sa ila mga linya, sanan mga service drop wire na nangabugto. Kon kahinumdoman na makusog an daya nan hangin sa bagyong si Paolo kagabii dinhi sa syudad lakip pa na may nag- ong-ong na LPA. Nasinati an brownout gikan alas dos sajo sa kaadlawon hangtud kuman alas dies sa buntag sa tibuok syudad sanan mga kamunisipyuhan.Padajon pa gihapon nagpahigajon nan clearing operation an Surneco hangtud kuman rason na dili tanan an nasigahan dajon sa pagbalik nan kuryente kagaina alas 10 sa buntag.
