Nisi-aw karong panahona ang usa ka grupo sa mga mangunguot nga gapangbiktima sa mga inosenteng tao sulod sa pampublikong sakyanan. Mao kini ang nabantug nga “Bubble Gum Gang”
Usa ka Ginang ang bag-ohay pa lamang ni report sa maong insedente diin lulan kini sa usa ka de pasaherong jeep sakay gikan sa city hall paingon sa GSIS. Kalit lamang gipatung-an si misis sa duha ka tao diin miinngon nga dunay bubble gum nidikit sa iyang buhok.
Tungod sa kakurat ug kabalaka niini gihinay-hinay niyag tangtang ang maong bubble gum nga naa sa iyang buhok.
Samtang na busy kinig kuha sa bubble gum na busy usab ang iyang tapad nga lalaki sa pag kuot sa pitaka niini nga dsunay sulod nga P3,000. Tungod kay nalipat ang maong ginang malampusong nakuot ang iyang salapi sa maong mga kawatan.
Sumala ni manang unta magsilbi kining bahad sa publiko ang iyang nasinati. Bantayan ang mga personal nga gamit ug mag maigmat kanunay sa paliubot.
Ang maong panghitabo napa blotter na usab sa kapolisan ug sa karon gibantayan na ang Bubble Gum Gang
