Budget para sa WVRAA, apektado man bangud sa re-enacted budget!

Roxas City, Capiz – Ginakabalak-an nga mangin apektado ang preparasyon sang mga atleta kag delegasyon sang probinsya sang Capiz para sa Western Visayas Regional Athletic Associations(WVRAA) Meet bangud sa re-enacted budget. Ini ang ginpahayag ni Provincial Budget Officer Mr. Tony Arbis.

Suno sa iya nga yara sa P10, 000, 000 pesos ang ginpain nga pondo sang probinsya sa idalom sang Special Education Fund(SEF) para sa preparasyon sang bilog nga delegasyon sang Capiz.

Kutob lamang sa amo nga pondo ang sarang nga magasto subong sang probinsya bangud nga wala pa maaprobahan ang proposed P12, 000, 000 pesos nga budget nga nalakip sa 2020 Annual Investment Plan.


Mahibaluan nga sa maabot nga bulan sang Pebrero natalana ang igapatigayon sang regional sports event sa diin ang probinsya sang Aklan amo naman ang maga-host.
photo(c)- Ara Si Mitang FB Page

Facebook Comments