Roxas City, Capiz- Nagapangayo subong sang suporta kag pangamuyo ang isa ka Capizeño nga magapasakop sa isa ka world singing competition sa pungsod Amerika.
Maga-representar si Mr. John Michael B. Avelino sa Pilipinas para sa ika-22nd World Championships of the Performing Arts ukon WCOPA nga igapatigayon sa Long Beach, California sa U.S.A.
Si Avelino ang taga- Brgy. Loctugan, Roxas City.
Ang World Championships of the Performing Arts ang annual event kun sa diin nagapasundagayan ang mga first-line singers, mga dancers, models, actors, instrumentalists kag variety artists nagikan sa masobra 60 ka mga nasyon kun sa diin nagahulat ang $400,000 nga scholarship grant kag recording contract. Nahibaloan nga isa sa mga Pinoy nga nangin produkto sang WCOPA amo ang Pinoy singer nga si Jed Madela.
