Matod ni Agnes Roble sa DA-RFO XI, Agribusiness and Marketing Assistance Division (AMAD), nga base sa ilang monitoring gikan sa Marso 9-15, 2026, ang Premium Rice anaa sa 58 ang kilo, apan pag-abot sa Marso 18, 2026, anaa na sa 59. Ang Well Milled gikan sa 55 miabot na sa 57, apan ang Regular Milled Rice nagpabilin sa P50 ang kilo.
Gibarugan ni Roble nga dili angay mabalaka ang katawhan tungod kay bisan pa sa krisis, walay magutman nga komunidad, ilabi na nga adunay supply sa bugas gikan sa lokal nga produksyon ug ingon man adunay importation.
Pagpasabot ni Roble nga nagsugod na sa pag-harvest ang kahumayan sa Davao del Sur nga nakapagawas na og 19,961 metriko tonelada nga bugas, samtang aduna sab niabot nga bugas gikan sa Thailand ug Vietnam niadtong Marso 13, 2026.
RadyoMaN Bien Abanos
