Bugas sa Day care center gidaginot sa kawatan

General Santos City–Igo na lang sa pagpatala ang nahimo sa teacher sa usa ka Day Care Center human gidaginot sa kawatan ang bugas sulod sa center.

Giila sa imbestigasyon sa Tambler Police Station 5 ang nagpatala nga si Mercelyn Abang, 37-anyos, minyo og residente sa Barangay City Heights.

Sa pagpangayog tabang sa nahisgutan ngadto sa kapolisan takna alas-3 sa hapon na niya namatikdan nga giransak og kawatan ang NPC Day Care Center og gitangag usa ka sakong bugas nagbalor og kapin 2 mil pesos.


Gituohan nga niagi sa bintana ang wala mailhing suspek samtang nagpahigayon na og follow up investigation ang kapolisan kabahin sa insidente. (Orlan Jumawan)

Facebook Comments