Kalibo, Aklan – Ging endorso it National Economic Development Authority o NEDA ro pagkongkreto it karsada nga
nagakonekta sa Malinao, Aklan ag Sebaste, Antique.
Suno kay Malinao Municipal Mayor Wilbert Ariel Igoy, ro nasambit ngarang project it national
government nga nagakantidad it P250 million hay para imprubahon ro rural infrastructure ag pasilidad
sa mga nahanueod nga kabarangayan.
Kon mahuman rayang karsada suno pa gid kay Mayor Igoy, hay mapapag-on ro konektibidad it mga
pumueoyo nga naga istar sa mga maeayo ng barangay sa mga mayor nga banwa it Aklan ag Antique para
sa mayad-ayad nga transportasyon it serbisyo, produkto ag mga tawo.
Facebook Comments
