Gibutyag ni Major Pederio ubos sa iyang liderato, gisulti niini nga ila nang nasulbad ang problema sa kawat ug lungkab sa area sa Buhangin ning panahona.
Gani, paglingkod ni Pederio isip Hepe sa Buhangin Police Station, naabtan pa niini ang mga panghitabong kawat sulod sa balay nga sagad nalambigit mao ang mga menor de edad, apan karon hingpit nang natuldokan.
Matud ni Pederio, epektibo ang kampanya kontra krimen nga gipatuman sa Buhangin area ug ang mga adunay record sa kawat ug paglungkab, walay undang gimonitor sa kapulisan.
Nagpakatag usab sila og mga Intel operatives, aron panid-an ang mga notado sa krimen ug pagpahigayon og mga check point.
Plano karon ni Pederio, magpahigayon og mobile patrol sa mga subdivisions ilabi na sa mga luag og seguridad nga maoy target usab nga atakihon sa kawatan ug akyat bahay gang, sama sa nahitabo sa Phase 4, Decahomes, Indangan kung asa napatay sa mga pulis ang giingong akyat bahay gang member sa miaging kadlawon.
RadyoMaN Joel Viray
