Davao City- Mapasalamaton ang pamilya sa criminology student nga si John Lester Alibangbang kinsa niagi sa mapait nga kahimtang sa dihang gibunalan og bato sa ulo partikular sa nawung nga bahin niadtong September 16, sa Poblacion, Compostela Davao de Oro human nga nasikop ang suspect ug mga responsible sa krimen.
Sa impormasyong gikan sa Compostela Municipal Police Station, gikumpirmang ang mga nagbuhat sa pagpamunal anaa na sa kamot sa otoridad apan sila dili pa makahatag sa kompletong impormasyon tungod ginahikay pa ang kaso batok sa mga batan-on alang sa tukmang disposisyon.
Nasayrang ang duha sa mga dinakpan nag-edad 16 anyos, isa ka 14 anyos ug isa ka 19 anyos.
Nahimong posible ang pagkasikop sa mga batan-on tungod sa mas gipakusgang police visibility sa Compostela PNP ug nakatabang usab matud pa sa kaso ang pagpaabot niini kang Sen. Raffy Tulfo.
Sa pagkakaron, anaa na sa maayong kahimtang si Alibangbang og padayon pang nagapaalim sa iyang mga samad alang sa hinanaling kaayuhan.
RadyoMaN Ivy Parido
Facebook Comments
