Roxas City, Capiz – Dakop sa ginpatigayon nga drug buy bust operation sang Provincial Drug Enforcement Unit ang isa ka lalaki sa atubang sang bulangan sa Barangay Tanza, Roxas City kagab-i. Ginkilala ang suspek sa kay Reynaldo Aringo alyas Naldo 56-anyos sang Barangay Talon, Roxas City apang nagatenir sa Barangay Punta Tabuc, syudad sang Roxas.
Nakuha sa mga kamot ni Aringo ang tatlo ka sachet sang suspected shabu, P1,000 nga buy bust money kag mga drug paraphernalia. Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nasambit nga suspek.
Samtang ang mga sachet sang suspected shabu ang gindala na sa Regional Crime Laboratory sa syudad sang Iloilo agud igapaidalom sa eksaminasyon.
Facebook Comments
