Buhatan sa Globe Telecom sa Rizal St., Brgy. Washington, Surigao City taglungkab
Taglungkab sa waya kilay-i na mga suspek an buhatan sa Globe Telecom sa Rizal St., Surigao City na kon diin nakuha an pipila ka unit sa cellphones ug simpacks.
Una na mipadayag nan sumbong an tag-ija sa building na si Jovan Azarcon Salinas na an ija edipisyo an pugsanong tagsuyod sa mga suspek, gamit pa an bolt cutter sa pag-abri sa roll up door. Sa dihang didto na sa suyod, tagguba an dingding na hinimo sa kahoy .
Sa pagkakuman, nagpadajon pa an imbestigasyon nan mga otoridad kalabot sa insidente na nadiskubrehan mga alas 9:00 sa buntag ganina. Ini na an ikaduha na insidente sa lungkab, una na tagpaabot isab an sumbong na an buhatan sa Cokaliong Shipping Lines sa may Bilang-Bilang, Brgy. Taft an taglungkab ug nakuha an kapin P280,000 na cash.
