Pila ka mga pamalay sa banwa sang Lemery ang naguba matapos maglabay ang isa ka buhawi kaina sang hapon.
Ginkumpirmar ni Police Captain Marvin Buenavista, hepe sang Lemery PNP nga mga alas 2:30 kaina sang hapon sang magtuhaw ang buhawi sa barangay Poblacion Southeast, kon sa diin lima ka mga balay ang naguba sang malabayan sini.
Sa lima ka balay nga naguba, isa diri ang totally damaged nga ginapanag-iyahan ni Sonny Zaragosa samtang apat naman ang partially damaged nga ginapanag-iyahan sang pamilya Castor, Malunes kag Belvis.
Suno kay Buenavista nga wala man sang tawo nga nahalitan sa paglabay sang nasambit nga buhawi.
Facebook Comments
