WVSU GRAD NGA NAG-TOP SA NURSING LICENSURE EXAMINATION, DAW INDI MAKAPATI NGA MANGIN TOPNOTCHER SIYA SA PASINAWAN.

946

Daw indi makapati si Almira Louise Olete Hinsoy nga mangin topnotcher siya sa bag-o lang naguwa nga Nursing Licensure Examination nga ginhatag sang Professional Regulation Commission ukon PRC.

Ini ang reaksyon ni Hinsoy sa iya pag-top sa nasambit nga pasinawan kaupod sa taga-Angeles University Foundation nga si Jeremiah Paula Austria Caceres.
Subong man ginpahayag sini isa ini ka bugay sang Diyos kabangdanan nga iya gid ginapasalamatan sang lubos.
Ginpakigbahin man ni Almira nga handum gid niya humalin sang Elementary siya nga mangin isa ka nurse kag nangin inspirasyon niya ang iya mga himata nga yara man sa medical profession kabangdanan nga daku gid ang iya pasalamat nga nalab-ot niya karon ang iya nga handum.
Sa karon plano ni Almira nga kon mahatagan sang kahigayunan, luyag niya mag-trabaho bilang nurse sa isa ka government hospital.


Facebook Comments

From Advertisers