Buhi kag indi patay si Brgy. Kagawad John Michael Apostol sang Yulu drive, Arevalo.
Ini kasunod sang nauna nga pahayag sang kapulisan sa Jaro, kasunod man sang nagluntad nga vehicular accident kon sa diin, nagbunggo sa pader sang Green meadows subdivision ang isa ka-salakyan sakay ang apat ka mga tawo kalakip ang isa nga napatay.
Personal nga ginpakig-angotan sang RMN iloilo si Kgwd. Apostol kon sa diin buhi ini nga nagsabat sa mga palamangkotanon kalakip ang pagklaro nga indi siya ulamid kag napatay sa nasambit nga insidente.
Suno sa iya, nakibot na gid lang siya sang iya nabatian sa RMN iloilo kalakip man ang pagpinamangkot sang mga nakakilala sa iya kon ano ka-matuod ang gina-alegar kamatayon sini sa nasambit nga insidente.
Una diri, ginklaro man ni PO3 Joefrey Hanay, traffic investigator sang jaro pnp nga buhi si certain John Michael Apostol kag indi man ulamid sa aksidente.
