Tanan babae sa kalibutan gusto magbaton og nindot nga buhok.
Sa atong panahon karun atong ginahimong inspirasyon ang mga artista nga dunay nindot og bagsak kaayo nga buhok.
Mao nga kasagaran sa mga babae, gusto mugasto og dako aron magbaton og nindot nga buhok.
Ania ang mga butang nga makapanindot sa imohang buhok nga dili ka magasto og dako.
BASAON ANG BUHOK IKADUHA O IKA TULO SA USA KA SEMANA
– Ikapila ba ligoan ang buhok? Mao ni ang kasagarang pangutana nato sa pagpanindot sa buhok, pero ingon sa mga eksperto mas nindot kung ligoan ang inyong mga buhok ikaduha o ikatulo sulod sa usa ka semana kay ang pagligo sa buhok adlaw adlaw maoy makapadaot niini.
– Ang natural nga mantika sa buhok maoy makaprotekta sa buhok. Mao nang kung ikaw nagabutang og shampoo kada adlaw, mao ang rason nga makapawala sa natural og importante nga mga oil sa buhok.
I-SHAMPOO ANG PANIT SA ULO OG DILI ANG BUHOK NIINI
– Dili lang ang paggamit sa shampoo kada adlaw ang atoang ginahisgutan diri, importante usab nga mahibal’an nato kung asa dapat ibutang ang shampoo. Siguroa ang panit sa imohang ulo nga mabutanagan og shampoo, hinay hinay kini nga imong imasahe aron nindot ang dagan sa dugo sa imong ulo og magresulta kini aron mawala ang mga toxins.
– Ang pagbaton og nindot og himsug nga buhok maoy makadugang confidence sa usa ka babae. Mao nang dapat tama ang atong paggamit og shampoo og conditioner labi na ang tama nga pagmasahe aron nindot ang dagan sa dugo sa panit sa ulo.
LIKAYAN ANG PAG-GAMIT OG INIT NGA TUBIG SA BUHOK
– Maligo og bugnaw nga tubig. Ang pagligo og init nga tubig maoy makapa-uga sa buhok og makapa sapnot og buhaghag nga maoy hinungdan sa pagkadaot sa buhok.
PAUGAHON USA ANG BUHOK BAGO MAGBUTANG OG CONDITIONER – Siguraduhon sa nimo nga mauga ang imohang buhok gamit ang tualya usa nimo butangan og conditioner. Ang pagbutang og conditioner samtang basa pa ang imohang buhok maoy rason nga dili maka-penetrate ang conditioner sa buhok nga makadala unta og kahimsog og kanindot sa buhok.
Karun kabalo naka kung unsay buhaton aron magbaton og nindot og himsog nga buhok nga makatipid pod ka sa imohang ginagamit kada adlaw.
Apili usab kini og tama nga pagkaon, pareha sa mga pagkaon nga datu sa Vitamin E. Ang Vitamin E maoy makatabang aron mahatagan kita og nindot nga buhok.
Kung duna pa may laing butang nga dapat himoun aron makabaton kita og nindot nga buhok. Pwede ninyo i- comment sa ubos. Daghang salamat.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
