BACOLOD CITY – Nabuka ang atubang nga bintana sang isa ka salakyan matapos nga ini ang ginbiktima sang buka kotse sa atubang sang Tay Tung High School sa Hernaez St., Bacolod City mga las 7:45 kaina sang aga.
Nakilala ang biktima nga si Josefa Trio, 48 anyos ang edad, pumuluyo sang Araneta St., Bago City.
Suno kay Trio nga ginpark niya ang iya Isuzu Dmax sa atubang sang amo nga eskwelahan apang sa iya pagbalik nadiskubrehan niya sini nga nabuka na ang right front window sang iya salakyan.
Sang gin-check ni Trio, didto kay iya nakita nga nadula man ang bag nga iya ginbutang sa idalum sang driver’s seat.
Sa karon nagapatigayon na sang follow-up operations ang mga katapo sang Police Station 6 sa amo nga insidente agud matumod gilayon ang suspek nga naghimo sini./RMN File photo
